rauðhærði centerinn

páskarnir

Sun, 12 Apr 2009 14:25:34 GMT

Held að þetta sé í fyrsta skipti í nokkur ár sem páskarnir eru haldnir heima, við erum alltaf að keppa á þessum tíma svo allavega tveimur seinustu páskum hef ég varið í Rúmeníu, man ekki árið þar á undan. Er búin að japla á lakkríspáskaeggi og fékk málsháttinn "Það er grannt vit að gangast fyrir lit" ætli það megi ekki túlka á margan hátt... nema að það þýði að maður sé grunnhygginn ef maður á uppáhalds lit....eða að maður sé heimskur ef maður er alltaf í ljósum! haha.... eða að það er rangt að gera upp á milli manna eftir húðlit....jájá ég á nóg af hugmyndum.

Fór í páskagöngu í morgun í Öskjuhlíð og hitti þar kanínu á hoppi, hlýtur að hafa verið páskakanínan! Rosa fínt að labba í öskjuhlíðina, ennþá betra að hjóla en þar sem hjólinu var stolið gerist það nú ekki á næstunni. Sakna hjólsins míns gríðarlega, notaði það mjög mikið og langar að nota það enn meira núna fyrst að það er ekki til staðar.

Eldaði voða fínt læri á föstudag, það tókst mjög vel sem og allt annað:) Svo var afmæli hjá Ölmu á fimmtudeginum og þar var líka borðað ógurlega. Fullt af mat á páskunum:D

Jæja verð að halda áfram að skrifa, styttist í skilin!!

Gleðilega páska:)

enn meiri skóli og 1 árs heimsmeistari

Sun, 29 Mar 2009 22:30:51 GMT

Í dag er eitt ár síðan við fengum gullið um hálsinn og líka afmælisdagurinn hennar mömmu:D En vá að það sé komið ár síðan við fögnuðum eins og trylltar- ohhh hvað það var gaman. Það er alveg jafn gaman að hugsa um það eins og það er leiðinlegt að hugsa um það að við þurfum aftur að spila í sömu deild- 4.deildinni á móti sömu liðunum því stjórnin í Alþjóðahokkísambandinu ákvað að fækka liðum í efstu deild og því kemst ekkert lið upp um deild næst þegar spilað verður!!! Hafiði heyrt eitthvað jafn fáránlegt!?? Alveg brjáluð yfir þessu, við unnum þvílíkt mikið fyrir þessu og unnum þetta glæsilega og mjög óvænt og svo fáum við ekki að komast upp um deild. pifff......

já það hægist voða lítið á í skólanum. Á núna tvær vikur eftir í fyrsta skiladag á lokaritgerðinni og hún gengur ágætlega, hefði þó viljað vera búin með meira svo það sé eitthvað páskafrí hjá mér en það lítur ekki út fyrir það. Ég kem þó norður að keppa næstu helgi og ætla að reyna að vera fyrir norðan frá fimmtudegi fram á mánudag og það verður mitt páskafrí.En leikirnir fyrir norðan eru alveg stórkostlega mikilvægir, við vinnum mótið ef við vinnum báða- þær norðanstúlkur þurfa bara að ná jafntefli við okkur og þá eru þær búnar að vinna. Við erum búnar að vera gríðarlega duglegar að æfa okkur svo það gerist nú aldrei- við ætlum sko að fara heim með gull!!!8)8)

Skólinn er svo búinn 15 maí, ekki svo langt eftir af háskólagöngunni í bili.Útskriftin er ekki fyrr en 20.júní svo það er kannski ekki tímabært að fara að hugsa um hana strax;) en skemmtilegt verður það.

Það er nú mest lítið annað sem gerist þessa dagana hjá mér, er alla daga að læra og stundum á æfingu. Fór á hokkíleik í dag, SA tapaði titlinum suður, ekki gaman að horfa á það...

Hef gerst sérlegur kjólaauglýsandi fyrir mömmu en hún er að sauma egg kjóla og svo sína eigin hönnun sem er alveg geggjaður kjóll. Þannig ef ykkur vantar flottan kjól þá endilega hafið samband;)

skóli?

Thu, 26 Feb 2009 19:33:03 GMT

Hmmmm skóli hvað er nú það? Mikið að gera í skólanum? Ha nei ekki svo...Lesist með kaldhæðni...

Er á leið í bíó á He´s just not that into you! Get ekki beðið eftir að sjá hana, örugglega algjör stelpumynd:) enda erum við nokkrar úr bekknum að fara saman, og Tóta sem ég leigji með.

Er hætt að horfa á fréttir, nenni ekki að fylgjast með neinu lengur- það er hvort sem er alltaf það sama og ef það er ekki það þá er það eitthvað neikvætt, bara ákveðið mikið af rugli sem maður getur innbyrt.

En gleðifregnir! Brynja vinkona er búin að eignast fallegan, heilbrigðan strák sem ég get ekki beðið eftir að sjá!:D

Aðrar gleðifregnir, við unnum SA um helgina 5-3 og töpuðum 2-3 naumlega- vorum að mínu mati sterkari í seinni leiknum líka og bara Smiley sem skoraði. Sem þýðir að það verða úrslitaleikir á Akureyri 3-4. apríl! Allir að mæta og styðja:D Jei:D

Bráðum fæ ég sæta kjóla frá mömmu:D Voða heppin að eiga svona klára mömmu!

ekki fyrir norðan:(

Sat, 07 Feb 2009 13:47:05 GMT

Nei nei hér sit ég í borginni meðan hinar íshokkíkonur landsins eru allar að spila hokkí fyrir norðan. Ekkert svo svekkjandi nei nei....er ennþá svo slöpp í maganum og get ekki borðað án þess að verða mjög illt þannig ég ákvað að fara ekki- veit alveg að það var rétt ákvörðun því ég hefði í fyrsta lagi ekki meikað bílferðina og í öðru lagi ekkert getað staðið á ís en það er mjög pirrandi að sitja hér.

En það gengur ágætlega að prjóna í staðinn, er aðeins að komast áfram í munstrinu á kjólnum. Svo er ég búin að horfa á nokkrar myndir...glatað, nenni ekki að blogga meir þetta er svo glatað eikkva...síja

bloggið

Wed, 04 Feb 2009 22:11:47 GMT

er nú ekki búin að vera duglegasti bloggarinn, bara svo margt að gera- en þannig er það líka best. Er veik heima í augnablikinu en læt það nú ekki stoppa mig lengi- hef ákveðið að þetta er bara svona sólarhringsveira, allavega mun ég ekki láta hana stoppa mig lengur. En mikið rosalega var mér illt í maganum í nótt- var viss um að Brynja væri farin uppá sjúkrahús að eiga og þetta væru samúðarsamdráttaverkir í mér. En það er ekkert barn komið svo þannig var það nú ekki.

Skellti mér norður á þorrablót seinustu helgi og það var alveg frábær skemmtun. Álfheiður fór með okkur og héldum við þannig upp á tíu ára afmæli þess að hún fór í fyrsta skipti á þorrablót, nei eða bíddu 12 ára afmæli? æji man það ekki....en það var allavega dansað allt til loka og vorum við með þeim seinustu heim.

Síðan hittumst við allar vinkonurnar í saumaklúbbi og það er nú ekki oft sem við náum að vera allar saman en það tókst og það var sko mikið hlegið og rifjað upp!

Næstu helgi verður líka eytt fyrir norðan en þar verður landsliðscamp þó svo að ekkert mót verði fyrir okkur þetta árið- en það er verið að vinna í því að fá einhverja leiki. Reyndar meiddi ég mig á æfingu í gær og er veik núna þannig maður verður nú ekkert í besta ásigkomulagi en maður verður nú samt að sýna sig og sjá aðra!:D:D

sææææll!

Sun, 18 Jan 2009 18:33:00 GMT

Myndin var alveg mögnuð- mæli með henni fyrir alla. Það er þó ekki nauðsynlegt að sjá hana í bíói en það er gaman að sjá hana svo maður geti verið með í umræðunni. Allir þeir sem vinna með börn ættu að sjá hana einhvern tímann.

Það var alveg magnað innflutningspartí hér á föstudag, Eva flutti út og Tóta flutti inn.Við höfðum því stelpupartí og buðum vinkonum okkar og höfðum kokteila og svoleis stelpulegt. Reyndar komu tveir strákar en þeir stoppuðu þó mjög stutt og leist ekkert rosalega á þetta stelpudæmi- vildu sko ekki rör í mojitoinn haha!! Það var mikið stuð hjá okkur og við fórum svo út að dansa. Ég var með já sææll! á heilanum allt kvöldið og sagði endalausa léléga brandara- svo gott að vera fyndinn og dagvaktar brandarar verða bara ekki þreyttir!

Laugardegi var eytt í chill og videogláp og í dag var íbúðin skúruð hátt og lágt, næstum því öll glösin voru skítug held ég.

skólinn

Thu, 15 Jan 2009 17:29:42 GMT

Er tvisvar í viku í skólanum í tímum, annars er ég bara að vinna að þróunarverkefni og lokaverkefninu. Merkilegt að þeir setji svona stórt verkefni eins og þróunarverkefni á lokaönnina þegar allir eru að gera lokaverkefnin sín. Við veljum okkur efni og svo velur leikskóli úr öllum efnunum og þannig parast þetta saman. Við erum þrjár sem ætlum að gera þróunarverkefni um Barnasáttmálann, verður rosalega gaman held ég. Finnst það mjög spennandi efni og get ekki beðið eftir því að byrja almennilega. Svo er lokaverkefnið mitt um trúarbrögð í leikskóla eins og ég hef sagt áður. Erum komnar aðeins af stað með það og það er líka voðalega spennandi. Annars vorum við að spjalla nokkur í skólanum í dag og þá kom upp hugmyndin að gera rannsókn sem myndi heita: Hvernig komst ég í magann á mömmu? Hugmyndir barna um getnað, meðgöngu og fæðingu. Væri örugglega rosalega spennandi;);)

Eva flytur úr Bollagötunni á morgun og þá flytur hún Tóta inn. Hef aldrei hitt hana en við ætlum að hafa örlítið teiti á morgun, svona inn-útflutningspartí:D:D

Ætla á Sólskinsdrenginn í bíó í kvöld, er voða spennt. Ætlum bekkurinn saman:D

Laugardagur

Sat, 10 Jan 2009 14:52:53 GMT

Er alveg að komast í munstrið á kjólnum, er að prjóna mér kjól og er alveg megaspennt að klára hann svo ég geti byrjað að prjóna meira:) Það er svo gaman að prjóna sér eitthvað- verðið að prófa það ef þið eruð ekki inn í þessu.

Í dag er ég búin að elda súpu fyrir 12 skáta, skutlast í grafarvog og ná í partí og co. og versla efni fyrir mömmu sem er orðin saumakona og farin að selja flíkur- ég er sérlegur umboðsmaður þannig ef ykkur langar í töff kjól þá er mamma mín snillingur. Ættuð líka að sjá kápuna sem hún saumaði handa mér í jólagjöf- úber flott og sko miklu flottari en í búðunum!!

Í gær náðum við Hrönn í Dr. Strúnu á völlinn, hún vissi ekki að við kæmum og var mjög hissa og glöð. Við vorum með skilti, kórónu handa henni og blómakrans og kokteil í glasi! Þetta var mjög skemmtilegt og ég veit hreinlega ekki hver skemmti sér betur, ég og Hrönn eða Kristrún. Við náðum allavega að koma henni verulega á óvart;) Í kvöld ætlum við svo öll að borða saman og spila, rosa næs.

Á mánudaginn byrjar skólinn og það er vel. Erum byrjaðar á heimildavinnu í lokaverkefninu og þetta lítur vel út:D

Jæja kjóllinn prjónar sig ekki sjálfur! Later...

ársuppgjörið!

Fri, 02 Jan 2009 12:54:42 GMT

Eftir ársuppgjör hefur komið í ljós mikill gróði ólíkt því sem er hjá mörgum fyrirtækjum. Ástæðan er líklegast góð stjórnun og engir starfsmenn.

Ferðalög hafa einkennt árið eins og áður enda finnst mér skemmtilegast af öllu að ferðast:D Það má líka eiginlega segja að árið hafi skipst í þrennt hjá mér HM, Ástralía og eftir Ástralíu;) hehe

Janúar 2008- Kvaddi sorgmædd Malmö og vini mína og kom heim frá Svíþjóð. Fékk David vin minn í heimsókn og við skoðuðum íslenska náttúru og fleira skemmtilegt. Byrjaði líka á átaki fyrir HM í í shokkí.
Febrúar-apríl. Þessir mánuðir einkenndust af líkamsrækt, fjáröflun fyrir HM, verknámi og smá skóla. Í febrúar var líka tekin sú ákvörðun að fara til Ástralíu að spila hokkí um sumarið. HM byrjaði svo 22. mars og ef einhver skyldi hafa gleymt því þá unnum við alla leikina og tókum gullið með heim!:D Ohh hvað þetta eru góðar minningar. Sofa, borða, hokkí, borða, hvíld, fundur, sofa. Þetta var toppurinn! Skoraði mitt fyrsta landsliðsmark en sko alls ekki seinasta!
Apríl- undirbúningur hófst fyrir næsta ferðalag sem var til London-Hong Kong- Sydney. 29 var svo flogið af stað á vit ævintýranna.
Maí-Júlí. Ætti að vera sumar en var vetur- í Manly, Ástralíu. Það sem er þó vetur þar er 25° hiti og sól og allt niður í 15°....ekki mjög kalt fyrir Íslendinga;) spilaði hokkí, lærði að keyra í vinstri umferð, lá á ströndinni, surfaði, dansaði brasilíska dansa, fórum til Newcastle og urðum Ástralíumeistarar, kepptum í Canberra, heimsóttum Nathan og Ellu í Melbourne, sá Ramsay street, borðaði kengúru, fékk verkamannavinnu, keyrðum á blæjubíl og bara eilíf hamingja:)
Júlí- Í lok júlí héldum við af stað heim á leið í gegnum Taiwan og flugum til Los Angeles. Ólýsanlegt að vera þar og sáum svo margt furðulegt og fyndið.
Ágúst- Komum til Kanada og vorum hjá foreldrum Söruh í viku. Yndislegt að vera í hokkílandi og langar klárlega aftur þangað. Kom svo loks heim 8 ágúst sama dag og Hanna vinkona eignaðist frumburðinn. Var í sveitinni þennan mánuð að vinna í leikskólanum.
September- Desember. Reykjavík og skólinn, íslenskt hokkí á ný, gerði samning við Kópavogsbæ, sat í strætó í ofmarga tíma, tók slátur....

Það sem stendur upp úr á árinu er klárlega HM gullið- aldrei neitt sem toppar það held ég. Ástralía er klárlega númer tvö, og allt ferðalagið í kringum ferðina. Ótrúlega mikið sem ég hef gert á árinu svona ef maður pælir í því.

Nýja árið verður spennandi, útskrift framundan og ný vinna. Allt annað er óvíst og gaman að sjá hvað gerist. Gleðilegt nýtt ár kæru vinir og takk fyrir það gamla:D:D

jólin

Thu, 25 Dec 2008 22:50:45 GMT

Gleðileg jól kæru vinir! Sendi engin jólakort en er búin að lýsa því yfir að á næstu jólum fái allir svo heimagerð jólakort að pappírinn, penninn og umslagið verði heimagert! Eða svona því sem næst hehe...

Nú er ég byrjuð að prjóna kjól- jei:D:D það er svo skemmtilegt að prjóna!

Jólin voru góð sem fyrr. Við rifjuðum upp jólin í fyrra þegar ég var hjá Álfheiði og Jóni í Leiden. Það var mjög skemmtilegt og ótrúlega íslensk jól sem við náðum að halda þrátt fyrir að vera í útlöndum. Það var gaman að opna pakkana eins og alltaf- þreytist ekkert að fá gjafir:haha::haha: kötturinn var í stóru hlutverki í því að sjá um allar umbúðir og spotta- sem og að boxa jólakúlurnar.

Næsti hokkíleikur er 3 janúar ef einhver er þyrstur í hokkí í fríinu- já í fríinu! Ótrúlegt að það skuli vera settur á leikur svona í fríinu manns. Þess vegna þarf líka að borða minna en áður- það finnst mér útí hött, er ekki gott að borða bara mikið svo maður verðu óhagganlegur á svellinu??

í sveitinni

Thu, 18 Dec 2008 23:40:18 GMT

er svo gott að vera. Það er sérstaklega skemmtilegt að fylgjast með kettinum, það sem hann getur dundað sér við að leika í pappakassa- alveg ótrúlegt. Merkilegt það. Er öll út í klóri og bitum en það er bara of skemmtilegt að fíflast með hann. Þegar hann setur kryppuna upp og labbar svona til hliðar- ægilega æstur, það er held ég fyndnast...

Jólaundirbúningur gengur vel fyrir sig og við erum búin að skreyta jólatréð- höfum aldrei verið svona snemma í því áður þannig verður enn meiri afslöppun fyrir jól. Svo verður laufabrauðsgerð á laugardaginn þannig nóg að gera:D:D elska jólaundirbúning! Er svo búin að fara á bókasafn og taka mér bækur og kaupa garn til að prjóna mér kjól. Þessi jól verða yndi...

helgin

Sun, 14 Dec 2008 22:59:03 GMT

Skemmtileg helgi, varði henni að mestu í rúminu að njóta þess að sofa lengi og slóra á netinu og engar áhyggjur af lærdómi eða öðru. Yndislegt svona eftir prófatörn. Fór líka á próflokadjamm upp í skóla og svo á tónleika í gær með FM Belfast. Hljómsveit sem ég hef heyrt í tvisvar og var svona dúndur góð. Myndi klárlega fara aftur á tónleika og þarf eiginlega að eignast nokkur lög með þeim...

Svo er bara að koma að jólafríinu, fannst alltaf eins og ég ætti fleira daga eftir hér í borginn en það er víst ekki á morgun heldur hinn sem ég flýg og það nánast beint eftir vinnu þannig að ég þarf að vera klár á morgun....það verður svolítið mikið að gera þá á morgun.... á eftir að klára flestar gjafir og pakka og laga pínu til hérna- allt náttla setið á hakanum í prófunum...

BÚIN í prófunum

Thu, 11 Dec 2008 22:11:36 GMT

Jei !! ég er búin með prófin og meira að segja byrjuð að vinna. Í dag held ég að ég hafi klárað seinusta prófið mitt í Kennó. Ef það er ekki seinasta þá er það allavega næst seinasta því eftir áramót er ég í fjórum áföngum sem ég held að séu allir próflausir- einn sem ég er efins um. En jei! og öll gengu þau nú bara svona eins og ég bjóst við, er búin að fá eina einkunn, fékk 9 í siðfræði sem er nákvæmlega það sem ég var að vonast eftir:D:D Rosa ánægð með það- þýðir að siðvitið mitt er óvenju þroskað eins og kennarinn skrifaði í einu verkefninu mínu. Stelpurnar í hokkíinu gerðu reyndar bara grín að mér- sögðu að auðvitað væri það þroskað- það væri útaf því ég er svo gömul!!! Fannst það ekki jafn fyndið og þeim en þær eru nú soddan hvolpar...

Vinnan í dag var fín, fæ að fara á allar deildirnar- verð svona flakkari;) ekki sjónvarpsflakkari þó hehe...

Fer norður á þriðjudag- jei:D:D fer með flugi seinnipartinn:D glæder mig meget til!

tveir leikir

Sun, 07 Dec 2008 20:12:39 GMT

Hokkíhelgi að baki en einnig mikið af aðferðarfræði. Er orðin gegnsýrð af lærdómi og eila bara komin í smá galsa- hvað er til dæmis fyndið við greiningarferli Schmidt?? Það er nákvæmlega ekki neitt en ég gat bara ekki hætt að hlægja... klukkan er núna átta og ég var komin um níu í morgun...

Fór samt í magnaðan hádegismat hjá Göggu og hitti Álfheiði sem var að koma heim- jei gaman:D það var líka gaman að hitta hina en bara styttra síðan ég sá þau;)

Ætla ekkert að læra á morgun eftir prófið, bara hvíla mig- get ekki beðið...

En já það var hokkí. Á föstudag töpuðum við 4-3 í þvílíkt spennandi leik. Ég skoraði tvö mörk annað eftir magnaða sendingu frá Flosrúnu. En SA komst yfir þegar 3 mín voru eftir og það var þvílík spenna í lokin... Á laugardag var svo enn meira spennandi leikur ef það er hægt... við komumst í 2-0 og leikurinn endaði 2-1. Ég skoraði eitt mark þegar ég stalst inn á af bekknum og svo reyndar klúðraði ég víti- en það fer bara í reynslupakkann.

Jæja meiri aðferðarfræði

tvö búin- tvö eftir

Thu, 04 Dec 2008 23:34:49 GMT

Já sagði nú eiginlega allt í fyrisögninni. En ég er búin með tvö og á tvö eftir. Er búin með tónleikana frábæru- fengum mikið lófaklapp fyrir okkar kroppaklapp:D:D

Á morgun er hokkíleikur, ohh hvað það verður gaman. Finnst svo gaman í hokkíi! Svo er annar leikur á laugardaginn og þá kemur líka Álfheiður heim!! Hef ekki séð hana síðan á jólunum í fyrra- næstum því eitt ár! Voðalega langt síðan...